"Ұлы даланың жеті қыры"
Елбасының «Ұлы даланың жеті қыры»мақаласы аясында балабақша тәрбиеленушілеріне «Шу қаған» халық театры ұжымының «Аю мен көжектер» атты ертегілік қойылымы туралы ақпарат
Театр әр балаға қуаныш, қызық, ұмытылмас әсер сыйлайды. Балалардың эстетикалық талғамын, қиялын дамытады. Ертегі кейіпкерлерлері іс-әрекеттері арқылы балалардың ойын дамыта отырып, адамгершілік жақсы қасиеттерді қалыптастырады. Бұл қойылымның мақсаты мектепке дейінгі жастағы балалардың тілін дамыту, байланыстырып сөйлеулерін қалыптастыру, өмірлік оң көзқарастарын тәрбиелеу болып табылады. Осындай мақсатпен, 27 маусым күні сағат 11.00-де - «Шу қаған» халық театры ұжымы Елбасының «Ұлы даланың жеті қыры» аясында балабақша тәрбиеленушілеріне «Аю мен көжектер» атты ертегілік қойылымын сахналады. Аюдың роліндегі М.Азаматов, көжектер – Н.Болаева, А.Сарменова сынды мәдениет қызметкерлері және Б.Бойдақова, Е.Мамықбаев, Н.Амангелдінің сомдаған ролдеріне балалар өте ризашылықтарын білдіре, соңынан естелікке суретке түсіп, тарқасты.
