"РУХЫҢДЫ ҰЛЫҚТА" АКЦИЯСЫ ОБЛЫС АУДАНДАРЫНДА
Бүгін Елбасының "Болашаққа бағдар:рухани жаңғыру" бағдарламасы аясында Жамбыл облысы əкімдігінің мəдениет, архивтер жəне құжаттама басқармасы мен жастар саясаты мəселелері басқармасы бірлесе ұйымдастырып жатқан "Рухыңды ұлықта" акциясы Жамбыл аудандық мəдениет үйінде жалғасты. Акция аясында аталған мақаланың мəн-маңызы шараға қатысушы жастар мен аудан жұртшылығына тереңірек түсіндірілді. Мұнымен қоса шарада былтыр ғана өз есігін облыс халқына айқара ашқан Жамбыл атындағы "Руханият" орталығының жұмысы таныстырылды. Көпшіліктің рухын көтеру мақсатында акция соңында Ескендір Хасанғалиевтің "Атамекен" əнін көрермен қосыла шырқады.
