Халықаралық Әйелдер күні
2019 жылдың 6-наурызында қалалық мәдениет үйінің ұйымдастыруымен Халықаралық Әйелдер күніне арналған «Ана - өмір шуағы» атты мерекелік сазды бағдарлама өткізілді. Шу қаласының әкімі Тұрғынбаев Бахытжан Мұхаммеджанұлы барша әйел қауымын мерекелерімен құттықтады. Қала әкімінің атынан дайындалған мерекелік гүл шоқтарын С.Сейфуллин атындағы орта мектептің оқушылары залда отырған аналарға ұсынды. Мерекелік іс-шарада Шу қалалық мәдениет үйінің жастарынан құралған «Jastar Bаnd» вокалды аспаптар ансамблінің сүйемелдеуімен сазды бағдарлама берілді. Көрермендер ризашылықпен тарасты.
