«Алыс ауған әуендері»
Жамбыл облысы Сарысу ауданы Жаңатас қаласы мәдениет және тілдерді дамыту бөлімі және аудандық мәдениет үйінің бірлесе ұйымдастыруымен «Алыс ауған әуендері» атты аудандық патриоттық ән байқауы өтті.
Биыл Кеңес әскерлерінің Ауған жерінен шығарылғанына 29 жыл толуын атап өту қарсаңында мектеп, мекеме, ауыл-аймақтар арасында «Алыс Ауған-әуендері» атты париоттық ән байқауы өтті. Бұл іс шараның мақсаты адамзаттың үлкені болсын, кішісі болсын өне бойында рухы мықты, патриоттық сезімі ояу азамат болуы парыз. Үлкен тұлғалы өскелең ұрпақтың патриоттық жан сезімін мығымдап қалыптастыру біздер үшін жауапкершілікті міндет. Ауғанстаннан Кеңес әскерлерінің шығарылғанына 29 жыл өтсе де,сол кездегі жауынгерлер бүгінгі бейбіт өмірдің еңбеккерлері соғыс жан жарасынан айыға алмай келеді.Кезінде қатерге бел буып, батырлық пен қайсарлықтың үлгісін көрсетіп, қаһармандық танытқан, өздерінің отан алдындағы парызын адал болған жерлестерімізді мәңгі есте сақтау, бүгінде өзіміз бен бірге қазақ елінің көсегесін көгертуге атсылысып жүрген ауғандық ардагер жауынгерді қадірлеп құрметтеу-біздің борышымыз. Бұл байқаудың өткізудегі негізгі мақсаты Отан алдындағы борышын өтеген азаматтардың рухын көтеру.Кейінгі жас ұрпақтардың сезімін ояту. Аудан көлеміндегі ән өнеріне ден қойған талантты жастарды іздеп тауып, олардың өнерін шыңдап,әрі қарай дамытып,халыққа таныту.
Байқау 2 кезең бойынша және 2 деңгей бойынша 16-25 және 26-35 жас аралығында өтті. 1 кезең-патриоттық бір ән орындау, 2-кезең қазақ композиторларынан ән орындау.
