«Men qazaqpyn» дәстүрлі әнші, күйші, термешілердің телевизиялық байқауына облыстық іріктеуге өткен өнерпаздардың түсірілімі мен Гала-концерті

2018 жылдың 13 маусым күні Тараз қаласында мега жобаның аудандық іріктеуінен өткен қатысушыларды жанкүйерлерлер Т.Рысқұлов саябағында қарсы алды.
Мега жобаның қазылар алқасы мен қатысушылары жыр алыбы -Жамбыл Жабаевтың ескерткішіне арнайы гүл қойып, тағзым етті.
Сондай-ақ, «Көне Тараз» тарихи-мәдени орталығын аралап, мұнара астындағы алаңшада сұхбат жүргізілді.
Төлеби даңғылы арқылы автошеру Қазақ хандығының монументіне барып, ҚР Тұңғыш Президенті саябағына аялдады. Жиналған үміткерлер бір-біріне өз тілектерін білдірді.
«Men qazaqpyn» дәстүрлі әнші, күйші, термешілердің телевизиялық байқауының облыстық іріктеу кезеңіне өткен өнерпаздардың Гала-концерті «Жеңіс» саябағының амфитеатрында кешке жалғасын тапты.