Шулықтар ән мен биден шашу шашты
2017 жылдың 18-тамызында Тараздағы тарихи «Төрткүл» керуен-сарайында Шу ауданы өнерпаздарының концерті өтті. Жамбыл облысы əкімдігінің мəдениет, архивтер жəне құжаттама басқармасының облыстық халық шығармашылық орталығы мен Шу қалалық мәдениет үйінің ұйытқысымен өткізілген думанды кешке жиналған көпшілік шулықтардың өнеріне тəнті болды.
Концерттік бағдарламаға «Көркем-ай», «Тарлан» бишілер тобы, ҚР мәдениет қайраткері Жанат Досжанова, Бауыржан Үйсінбаев, «Шу» халықтық театры сынды қатысты. «ЭКСПО-2017» халықаралық көрмесі аясында өткізілген шара барысында шулықтар Тараз жұртшылығына ашық аспан астындағы қолөнер және қылқалам шеберлерінің көрмесін ұсынды.
