ТЕГІСТІК АУЫЛЫНДА 90 ОРЫНДЫҚ МӘДЕНИЕТ ҮЙІ ХАЛЫҚ ИГІЛІГІНЕ БЕРІЛДІ
Ашылу рәсіміне ҚР Мәдениет және спорт министрі Асхат Оралов және Жамбыл облысының әкімі Нұржан Нұржігітов, облыс әкімдігінің мәдениет, архивтер және құжаттама басқармасының басшысы Ерлан Жүнісбай, ауыл тұрғындары мен БАҚ өкілдері қатысты. Мәдениет ошағының лентасын қию мәртебесі Асхат Раздықұлы мен ауыл ағасы Садырқұлов Мұхаметжанға бұйырды. Айта кетейік, осы уақытқа дейін Тегістік ауылдық мәдениет үйі 1 штат бірлігімен мектепте ыңғайласып орналасқан болатын. Қазіргі таңда аталған мәдени нысан 6 штат бірлігімен халық игіліне беріліп отыр.
